Në mbledhjen e grupit të Partia Socialiste në Kryesinë e Kuvendit u shpall vendimi për kërkesën e SPAK për arrestimin e ish-zëvendëskryeministres Belinda Balluku. Socialistët vendosën të mos miratojnë kërkesën për heqjen e imunitetit të deputetes dhe nuk do të zëvendësohet masa e sigurisë së saj aktuale me arrestin.
Gjithashtu, kryeministri Edi Rama mbajti fjalimin e tij, duke mbrojtur Ballukun dhe duke denoncuar sulmet në rrjetet sociale ndaj saj. Ai theksoi se Belinda Balluku u kthye në objekt sulmesh dhe akuzash të pabaza, ndërsa ndryshimet epokale në infrastrukturë dhe energji i ka sjellë vota e shqiptarëve dhe puna e qeverisë, jo rrethana apo paratë e harxhuara më parë.
Edi Rama: U ngritën dallgët e urrejtjes mbi Ballukun e u mblodhën retë e rrjeteve sociale duke e kthyer njeriun në kriminel me 300 vila, 2 jashtë, 10 mijë euro, solucione magjike për larje makina, dhe rrugën e ndërtuara nën drejtimin e saj u prishën nga korrupsioni. E shumëpritura hakmarrje e madhe e atij që çoi PD për jufka në Dibër dhe e asfaltoi në Fier me gjithë Gazin e Zeqinesë, burri i parë në historinë e Evropës, që Komiteti i Helsinikit e mori në mbrojtje nga një vajzë. Mëshirë Zeqine.
Belinda u kthye në shtrigën që duhej të digjej në turrën e druve, po ju them se ndryshimin epokal që vijon dhe do të vijojë në infrastrukturë dhe energji nuk e solli koha dhe paratë, sepse janë harxhuar shumë edhe më parë, nuk e solli askush vecc votës së shqiptarëve për këtë parti dhe qeverinë ku bën pjesë edhe Balluku.
