Deputeti i PD, Ivi Kaso në nisje të Komisionit për Nismat Qytetare, Bashkëpunimin dhe Mbikëqyrjen Institucionale ngriti si shqetësim çështjen e Belinda Ballukut, tashmë e pezulluar nga detyra me vendim të GJKKO.
Në fjalën e tij ai tha se Balluku edhe pese me akuza të rëndë korrupsioni nuk pranon që të japë dorëhqjen.
“Pavarësisht se nxjerr kryeministrin nga një siklet i madh, ku një person i cili është marrë i pandehur me akuza kaq të rënda refuzon të japë dorëheqjen, të lërë detyrën publike, nuk na lë të kënaqur opozitën që artikulon se përgjegjësia është e kryeministrit, ai duhet të merret i pandehur”, tha Kaso.
Ivi Kaso: Sot besoj që mbledhja nuk mund të fillojë në mënyrë të zakonshme. Jemi para një momenti të rëndësishëm në të cilën numri dy i qeverisë jo vetëm është marrë e pandehur, por është marrë masë pezullim nga detyra dhe ndalim jashtë vendit.
Duhet të marrë vëmendjen e duhur, sepse pavarësisht se kënaq pritshmëritë publike që drejtësia të vërë para përgjegjësisë penale një zyrtar të përcaktuar si zyrtari më korruptuar në vend, nga ana tjetër nuk kënaq pritshmëritë e opozitës, pavarësisht se nxjerr kryeministrin nga një siklet i madh, ku një person i cili është marrë i pandehur me akuza kaq të rënda refuzon të japë dorëheqjen, të lërë detyrën publike, nuk na lë të kënaqur opozitën që artikulon se përgjegjësia është e kryeministrit, ai duhet të merret i pandehur.
Në këtë moment, diskutimit të buxhetit, është ky fakt që na jep spunto që të rishikojmë qëndrimin tonë institucional në raport me mbështetjen që i japim institucioneve të drejtësisë, SPAK në veçanti.
