Qeveria e Mbretërisë së Bashkuar ka vendosur të strehojë azilkërkuesit në qendrat ushtarake për të ulur kostot e akomodimit, duke shmangur përdorimin e hotelëve të shtrenjtë. Kryeministri Sir Keir Starmer ka dhënë udhëzime për zyrtarët e Ministrisë së Brendshme dhe atij të Mbrojtjes që të përshpejtojnë gjetjen e hapësirave të përshtatshme ushtarake për 900 azilkërkues. Këta emigrantë do të vendosen në kampet e stërvitjeve deri në fund të muajit të ardhshëm.
Ai theksoi se qendrat ushtarake do të përmbushin standardet e shëndetit dhe sigurisë për të siguruar kushte të përshtatshme strehimi. Ministri i Mbrojtjes, Luke Pollard, e cilësoi këtë hap si një mundësi për të lehtësuar presionin mbi hotelet që tani strehojnë rreth 32 mijë azilkërkues, si dhe për të mundësuar mbylljen e tyre më shpejt.
Sidoqoftë, Pollard nuk ofroi detaje specifike për numrin e azilkërkuesve që do të zhvendosen, as për kohën kur do të ndodhte kjo, por siguroi se do të ketë një angazhim të mjaftueshëm me autoritetet lokale për të siguruar masat e nevojshme të sigurisë. Përveç qendrave ushtarake, ministrat janë duke shqyrtuar mundësitë për akomodime industriale dhe hapësira të papërdorura për të strehuar këtë grup.
Situata aktuale nënkupton se miliarda paund të taksapaguesve janë përdorur për akomodimin e azilkërkuesve, një fakt që ka ngritur shqetësime në publik. Kjo reformë e re, që synon të minimizojë shpenzimet dhe të organizojë më mirë strehimin, vjen në një kohë kur qeveria përpiqet të trajtojë problemet e menaxhimit të fluksit të lartë të emigrantëve që kërkojnë azil.
Me këtë iniciativë, qeveria shpreson të përmirësojë situatën për azilkërkuesit dhe të optimizojë përdorimin e burimeve të vendit, duke ofruar një zgjidhje të qëndrueshme për sfidat e pranishme.
