Tifozët Kuq e Zi kanë njoftuar se nuk do të jenë të pranishëm në stadium për të përkrahur Kombëtaren Shqiptare në ndeshjen kundër Serbisë.
Sipas avokatit Altin Goxhaj, i cili foli në emisionin “Kosova Today” në Klan Kosova, arsyeja pas këtij vendimi është një marrëveshje mes Federatës Shqiptare të Futbollit, FIFA-s dhe qeverisë shqiptare.
“Është bërë një kompromis, një marrëveshje midis Federatës Shqiptare të Futbollit, Armand Dukës, dhe FIFA-s që do marrin shoqatat e LGBT-së që të mbushin pjesën mbrapa portave, qoftë nga mbrapa, pasi kanë dënuar Shqipërinë me 20% të mbushjes së stadiumit. Kanë përjashtuar Tifozat Kuq e Zi, Rama me Armand Dukën e kanë bërë këtë. Është marrëveshje zyrtare”, u shpreh Goxhaj, transmeton Klankosova.tv.
Pasi pyetet “i kanë zëvendësuar tifozët me komunitetin LGBT?”, Goxhaj thotë: “Po, është marrëveshje zyrtare, asnjë s’flet për këtë temë. Unë mbaj përgjegjësi për këtë që them. Do të japin bileta falas për shoqatat. Unë flas me fakte”.
Deklaratën e plotë e gjeni në videon e mëposhtme:
Klikoni per Videon
