Katër persona, humbën jetën dhe disa të tjerë mbetën të plagosur rëndë të hënën pasdite, pasi një automjet u përplas me një ndërtesë që përdorej nga një kamp pas shkolle në Chatham, Illinois.
Ngjarja ndodhi rreth orës 15:20 me orën lokale, kur policia iu përgjigj një thirrjeje emergjente nga YNOT After School Camp, ku një automjet u përplas fillimisht me anën lindore të godinës, duke goditur disa persona brenda saj, përpara se të dilte nga ana perëndimore e strukturës.
Policia njoftoi se tre prej viktimave ndodheshin jashtë ndërtesës në momentin e përplasjes, ndërsa një person tjetër humbi jetën brenda saj.
Të plagosurit u transportuan menjëherë drejt spitaleve lokale, ndërsa një prej tyre u transportua me helikopter për shkak të gjendjes së rënduar shëndetësore.
