Atletico Madrid ka marrë një fitore shumë të rëndësishme në transfertë ndaj Valencia-s, në ndeshjen e vlefshme për javën e 25-të në La Liga. “Colchoneros” fituan me shfrat 0-3, ku shkëlqeu Julian Alvarez me dy gola.
Argjentinasi shënoi fillimisht në minutën e 11-të dhe sërish në minutën e 29-të, ku dërgoi topin me kokë në rrjetë pas super krosimit të Antoine Griezmann. Pjesa e parë u mbyll me shifrat 0-2.
Goli i tretë për ekipin e drejtuar nga Diego Simeone do të vinte në minutën e 85-të ku Angel Correa shënoi pas asistit të Gallagher. Pas kësaj fitoreje, Atletico merr momentalisht vendin e parë me dy pikë më shumë se Barcelona dhe Reali. “Colchoneros” pasi bënë detyrën e tyre për këtë javë, shpresojnë për hapa fals të dy rivalëve për titull.
