Një atentat me armë zjarri ka tronditur qytetin e Durrësit rreth një orë pas mesnatës së mbrëmshme.
Sipas raportimeve, një 29-vjeçar, i identifikuar si Ermir Dedja, është qëlluar për vdekje në një atentat të mirëorganizuar. Ngjarja ka ndodhur në lagjen 18, ku autorë të maskuar kanë hapur zjarr ndaj viktimës dhe më pas janë larguar me shpejtësi nga vendi i ngjarjes me një automjet. Viktima humbi jetën në vend nga plagët e marra.
Ermir Dedja ishte një emër i njohur për policinë, i skeduar për përfshirje në veprimtari kriminale, ndonëse detaje të mëtejshme nuk janë dhënë ende.
Zona është rrethuar nga forcat e policisë, ndërsa po përdoren edhe pamje nga kamerat e sigurisë për të rindërtuar dinamikën e krimit.
Njoftimi i policisë:
Durrës/Informacion paraprak
Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.
Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
