Në javën e 21-të të Premier League, Arsenal priti Liverpool-in në “Emirates”, në një ndeshje që nuk dhuroi spektakël. Përveç dueleve dhe luftës fizike në fushë, rastet ishin të pakta dhe takimi u mbyll pa gola (0-0), duke i hequr Arsenalit mundësinë për t’u shkëputur edhe më shumë në krye.
Megjithatë, “Topçinjtë” kanë një lajm pozitiv: falë një paraqitjeje shumë të fortë në mbrojtje, ata ndalën serinë e golave të Liverpool-it në përballjet direkte në kampionat.
Sipas statistikave të Squawka, Arsenal arriti të mbajë portën e paprekur ndaj Liverpool-it në Premier League për herë të parë që nga gushti 2015, duke i dhënë fund një serie që zgjati mbi një dekadë. Vlen të theksohet se kjo statistikë vlen vetëm për Premier League, pasi në FA Cup (2022) ka pasur gjithashtu një barazim 0-0 mes tyre.
Pas këtij rezultati, Arsenal mbetet në krye të renditjes, ndërsa diferenca me ndjekësit Manchester City dhe Aston Villa është 6 pikë. Liverpool, me 35 pikë, renditet në vendin e pestë.
