Arsenali dhe Bayerni përballen këtë të mërkurë në një nga ndeshjet më të rëndësishme të raundit të pestë të Ligës së Kampionëve.
Të dy ekipet konsiderohen si pretendentë kryesorë për titull këtë sezon. “Topçinjtë” vijnë në këtë përballje me besim të lartë, pasi janë në një formë të shkëlqyer si në kampionat ashtu edhe në Champions.
Aktualisht, Arsenal ka shënuar një arritje të jashtëzakonshme: ishte skuadra e vetme që nuk kish pësuar asnjë gol në këtë edicion të Ligës së Kampionëve.
Nga ana tjetër, Bayern Munich është një tjetër kandidatë serioz. Bavarezët janë të vetmit në katër ligat më të mira europiane që nuk kanë humbje deri më tani në këtë kompeticion. Kjo tregon se ata kanë qenë të fortë dhe të padiskutueshëm.
Ndeshja nisi me një intensitet të lartë, dhe vetëm pas 22 minutash lojë, Arsenal arriti të shënojë golin e parë. Timber, pas një krosimi të saktë në zonë, goditi me kokë dhe e dërgoi topin në rrjetë, duke e çuar rezultatin në 1-0 për “Topçinjtë”.
Ky gol i dha Arsenalit një avantazh të rëndësishëm dhe ndeshja u intensifikua më tej, me Bayern që u përpoq të kthente situatën në favor të tij dhe në minutën e 32 Lennart Karl shënoi pas marrjes së një pasimi nga Gnabry.
Tashmë, të dy skuadrat duhet të tregojnë më të mirën e tyre për të arritur në fazat më të avancuara të kompeticionit.
Arsenali ka demonstruar stabilitet dhe forcë në mbrojtje, ndërsa Bayerni synon të ruajë formën e tij të shkëlqyer për të vazhduar marshimin drejt titullit.
