Ka shkuar në dy numri i viktimave nga atentati në Shkodër. Pas Armand Palit ka ndërruar jetë edhe i plagosuri Geridon Kraja.
Armando Pali ishte punonjës i IKMT-së në Shkodër.
Pali në momentin kur ndodhi ngjarja ishte duke konsumuar kafe brenda ambientit të një lokali në afërsi të Bashkisë së Shkodrës dhe shkollës “Kolë Idromeno”, së bashku me mikun e tij Erogen Vaso i cili dyshohet të ketë qenë dhe shënjestra e autorit.
Vaso ka mbetur i plagosur nga breshëria e plumbave. E plagosur gjithashtu ka mbetur edhe kamarierja e lokalit.
Autori i dyshuar i ngjarjes, i cili është arrestuar, ka mbërritur në vendngjarje me një motor. Pasi e parkoi në afërsi të lokalit, më pas i maskuar hyri me kallashnikov duke shtënë me breshëri, raporton ilirianews.al.
Pas ngjarjes është larguar me vrap në këmbë dhe ka ikur me një makinë Wolksvagen që e kishte lënë aty pranë.
Në tentativë, është aksidentuar në dlaje të Shkodrës dhe më pas te Ura e Trenit ka tentuar të ikë në këmbë, por uniformat blu i kanë vënë prangar.
