Policia italiane ka arrestuar në flagrancë një 28-vjeçar shqiptar në lagjen Don Bosco të Bolzanos, ndërsa ishte duke shitur kokainë.
Sipas njoftimit zyrtar, oficerët e policisë e pikasën të riun mëngjesin e së shtunës, në rrugën Buozzi, teksa po i dorëzonte disa pako me lëndë narkotike një personi tjetër.
Menjëherë pas ndërhyrjes së policisë, i dyshuari tentoi të arratisej dhe u përpoq të hidhte çelësat e banesës, por ato u gjetën nga policia dhe u përdorën më pas për të kontrolluar banesën e tij. Gjatë kontrollit në banesën e tij, u gjet dhe sekuestrua një sasi kokainë.
Shqiptari rezulton të ketë pasur status azilanti, por nuk zotëronte një leje qëndrimi të vlefshme në Itali. Ai u vendos në paraburgim nën akuzën për trafik dhe posedim të lëndëve narkotike, ndërsa gjykata italiane ka urdhëruar dëbimin e tij nga vendi.
