Një i ri 20-vjeçar arriti të arratiset të premten e kaluar nga një burg pranë Lionit, në jug të Francës, duke u fshehur në çantën e një bashkëvuajtësi që po lirohej pasi kishte përfunduar dënimin e tij, kanë bërë të ditur dje burime zyrtare për agjencinë AFP.
Sipas një deklarate nga administrata e burgjeve, i riu ishte duke vuajtur “dënime me burg” dhe shfrytëzoi lirimin e bashkëvuajtësit të tij për t’u fshehur në bagazhin e këtij të fundit dhe për të dalë nga burgu pa u vënë re.
Prokuroria e Lionit bëri me dije për AFP se i riu ka lidhje të mundshme me krimin e organizuar, ndërsa ka nisur një hetim për “arratisje të organizuar” dhe “formim grupi kriminal”.
Njëkohësisht, është hapur edhe një hetim i brendshëm për të zbardhur plotësisht rrethanat e arratisjes, ndërkohë që autoritetet policore janë njoftuar menjëherë. Administrata e burgjeve theksoi se do të merren masat e nevojshme disiplinore për këtë ngjarje.
