Të martën, Liverpool pret PSG në shtëpi për ndeshjen e kthimit në Champions League. Anglezët fituan me fat 0-1 në Paris dhe ndeshja u dominua totalisht nga francezët.
Trajneri i “The Reds”, Arne Slot, e pranoi këtë në një intervistë të fundit me gazetarët, duke thënë se PSG “dha një shembull të mirë sesi duhet të luajmë”.
“Ata luajtën me Lille me intensitet të jashtëzakonshëm, pastaj të njëjtën gjë bënë edhe me ne. Nuk kam parë intensitet të këtij niveli në ndeshjet tona të këtij sezoni”.
“Kur shoh ata, mendoj se duhet të përmirësojmë nivelin tonë. Krahasuar me ndeshjen me Southampton, duhet të rritemi 4, 5, 6 apo 7 shkallë, nëse duam të kalojmë më tej”.
