Një person është arrestuar nga efektivët e komisariatit nr.4, i akuzuar për trafik armësh nga Kosova drejt Shqipërisë. Policia ka vënë në sekuestro 12 armë, pistoleta të tipit ‘Glock’ së bashku me municion luftarak, që dyshohet se do të shiteshin në zonën e Freskut në kryeqytet.
Në pranga ka rëndë 27-vjeçari nga Kosova Dukagjin Berisha, të cilin policia e ka lokalizuar në dalje të Unazës së Madhe, pranë mbikalimit të Tufinës teksa udhëtonte me automjetin e tij tip “Volsëagen”. Kryesisht armët Berisha i kishte fshehur në kofanon e makinës.
Sakaq, policia po vijon për dokumentimin e plotë të veprimtarisë së paligjshme dhe për identifikimin e personave të tjerë të përfshirë në këtë ngjarje kriminale.
Tiranë/Vijojnë operacionet e njëpasnjëshme për parandalimin dhe goditjen e trafikimit të armëve të zjarrit nga Kosova në Shqipëri.
Goditet nga Drejtoria Vendore e Policisë Tiranë një tjetër rast i trafikimit të armëve.
Finalizohet pas disa javë hetime me metoda proaktive, operacioni policor i koduar “Barriera”.
Sekuestrohen 12 armë zjarri pistoleta dhe municion luftarak, që dyshohet se do të shiteshin në Fresk.
Vihen në pranga poseduesi i tyre.
Specialistët për Hetimin e Krimeve të Komisariatit të Policisë Nr. 4, në bashkëpunim me Forcën Operacionale të DVP Tiranë, në drejtimin e Prokurorisë së Tiranës, në kuadër të fokusit për parandalimin dhe goditjen e trafikimit të armëve të zjarrit dhe bazuar në informacionet e grumbulluara, si rezultat i hetimeve të kryera me metoda proaktive, disa javore, kanë finalizuar operacioni i koduar “Barriera”.
Në kuadër të këtij operacioni u bë arrestimi në flagrancë i shtetasit D. B., 27 vjeç, banues në Kosovë.
Gjatë operacionit në dalje të Unazës së Madhe, pranë mbikalimit të Tufinës, shërbimet e Policisë kanë lokalizuar mjetin e dyshuar dhe kanë ndërhyrë duke e ndaluar atë.
Gjatë kontrollit të automjetit tip “Volsëagen” me drejtues 27-vjeçarin, konkretisht nën kofanon e tij janë gjetur dhe sekuestruar 10 armë zjarri pistoleta Glock me municion luftarak.
Po në kuadër të këtij procedimi janë sekuestruar dhe dy pistoleta të tjera glock, gjithësej 12 pistoleta.
Nga hetimet ka rezultuar se 27-vjeçari do i shiste armët në zonën e Freskut.
Strukturat hetimore të Drejtorisë Vendore të Policisë Tiranë në bashkëpunim me Prokurorinë vijojnë hetimet e thelluara për identifikimin dhe kapjen e shtetasve të tjerë të përfshirë në këtë trafik të armëve.
Materialet procedurale iu referuan Prokurorisë, për veprime të mëtejshme”, thuhet në njoftimin e policisë.
