Armando Broja është pranë përfundimit të një transferimi përfundimtar nga Çelsi tek Bërnli, me skuadrën e Premier Ligës. Sulmuesi 23-vjeçar do të kalojë këtë fundjavë nëpërmjet vizitave mjekësore dhe më pas do të firmosë një kontratë pesëvjeçare.
Ky transferim shënon fundin e periudhës së huazimeve për Brojën, i cili ka kaluar disa sezone në klube të ndryshme për shkak të dëmtimeve të shumta që e lanë për një kohë të gjatë jashtë fushës.
Sipas raportimeve të mediave angleze, Bërnli ka arritur një marrëveshje për të paguar rreth 20 milionë euro për sulmuesin, duke e bërë këtë transferim një ndër më të shtrenjtat në historinë e futbollistëve të Kombëtares shqiptare. Kjo shifër e vendos Brojën në vendin e dytë përsa i përket transferimeve më të kushtueshme, pas kalimit të Marash Kumbullës te Roma për 26,5 milionë euro. Broja kalon kështu në renditje transferimin e Samir Asllanit nga Empoli te Interi për 15,7 milionë euro.
Nga ana tjetër, transferimet e futbollistëve të tjerë shqiptarë mbi 10 milionë euro përfshijnë atë të Uzunit te Austri FC në MLS (12 milionë euro) dhe Muçit te Beshiktashi për 10 milionë euro, që plotësojnë pesëshen e futbollistëve shqiptarë që kanë arritur shifra të larta transferimi.
