Jemi mësuar që në skenë ta shikojmë gjithnjë të kuruar dhe plot elegancë. Prej shumë vitesh Arilena Ara ka ditur sesi të ruajë imazhin e saj skenik, ku kalimin nga një vajzë e ëmbël në një zonjushë seksi e bëri shumë gradualisht.
Ndaj edhe kohët e fundit, sidomos përgjatë ditëve të saj të pushimit e kemi parë në variantin seksi. E hipur mbi një jaht, me bikini minimal, këngëtarja na zbuloi asetet e saj pak ditë më parë, teksa festonte edhe ditëlindjen.
Por veç Arilenës së rrjeteve sociale dhe asaj të skenës, është edhe një tjetër Arilenë, ajo në të përditshmen e saj. Paparaci ynë ka mundur ta fotografojë ditët e fundit në zonën e ish-Bllokut, ku dhe shfaqet fare e thjeshtë, me një palë tuta të bardha, kanotiere sportive dhe një kapele, këngëtarja as që dallohej që në fakt ishte një personazh i famshëm. Në shoqërinë e një mashkulli, ajo ka bërë disa hapa në këmbë.
E në fakt është i pashmangshëm krahasimi që bëjmë me Arilenën që shohim në rrjetet sociale, ku bien në sy format bombastike. Por në fakt, ashtu si shpesh herë e kemi pasur pjesë të faqeve tona, artistja në të përditshmen zgjedhë gjithnjë sportiven, duke preferuar as të grimohet, por vetëm të ‘maskohet’ me syze dielli dhe kapele, ashtu si ka bërë edhe në këtë rast.
Nuk e dimë se kush është mashkulli që e shoqëron në këto ditë vere në Tiranë, por kemi një bindje se nuk është i dashuri i saj, kjo për faktin se Arilena është gjithnjë shumë hermetike sa i takon jetës private, ndaj edhe vështirë se mund të ekspozonte kaq thjeshtë të dashurin e saj./Panorama Plus
