Arbana Osmani ka reaguar në mënyrë të tërthortë ndaj deklaratës së Elsa Lilës, e cila tha se nuk ishte ndjerë mirë në emisionin “Mirëmbrëma Yje” për shkak të “personit përballë”.
Arbana publikoi një video ironike në InstaStory, nga faqja e njohur e memeve ne rrjetet sociale, “Mjekerziu”, ku zëri i Elsës ishte vendosur te një kukull nga filmi “Çmenduritë e Perandorit Kusko”. Ky gjest u pa si një përgjigje e hollë, por e fortë ndaj thumbit të këngëtares.
Gjithashtu, e ftuar në emisionin “Mirëmbrëma Yje”, Elsa Lila bëri deklarata të forta, ku tha se i janë vjedhur votat në Festivalin e Këngës, kur fitoren e rrëmbeu Albina Kelmendi dhe në moderim ishte pikërisht Arbana Osmani.
