Anija ‘Moliva’ me 102 kontenjerë në bord, pritet që të ankorohet mëngjesin e nesërm në kalatën nr 7 në Terminalin e Kontejnerëve në portin e Durrësit.
Shkarkimi i kontenierëve të dyshuar me mbetje të rrezikshme pritet të nisë rreth orës 07:00 dhe të zgjasë për disa orë. Mbetjet pritet të shkarkohen në afërsi të Porto Romanos pranë EcoPark-ut, ku pritet të ndërtohet dhe ambienti i posaçëm për monitorimin me kamera sigurie, ashtu sikur vendosi prkuroria e Durrësit.
Edhe transporti i kontenierëve me kamion, pritet të bëhet nën shoqërimin e forcave të poliicisë.
Anija “Moliva” e ngarkuar me qindra tonelata mbetje industriale toksike që dyshohet se përmbajnë lëndë të dëmshme, ka mbërritur në orët e para 28 tetorit në brigjet shqiptare. Ngarkesa që besohet se përmban mbetje nga hiri i oxhaqeve metalurgjike, ishte nisur nga Shqipëria në korrik të këtij viti me destinacion Tajlandën e cila e refuzoi atë pas alarmit të dhënë nga organizata joqeveritare ‘Rrjeti i Aksionit të Bazelit’ me seli në Seattle, të Shteteve të Bashkuara.
