Trajneri legjendar Carlo Ancelotti, pasi ka fituar gjithçka që ofron futbolli në klub, ka shpallur ëndërrën e tij më të madhe: të drejtojë Brazilin në një finale të Kupës së Botës kundër Italisë në 2026. “Do të ishte diçka e bukur për mua në një nivel emocional,” deklaroi Ancelotti.
Me një karrierë të pasur me tituj në pesë nga ligat më të mëdha të Evropës dhe pesa tituj në Ligën e Kampionëve, Ancelotti kërkon një sfidë të re me përmasa historike. Ai dëshiron ta kthejë Brazilin në kampionin botëror pas 24 vjetësh pritje.
Kjo do të ishte një arritje e paparë, pasi asnjë trajner i huaj nuk e ka çuar kurrë Brazilin në majë të botës. Për Ancelottin, kjo nuk do të ishte thjesht një titull tjetër, por një përmbushje personale. “Kam fituar gjithçka tjetër. Por ëndrrat e mia janë të bëj Brazilin kampion bote përsëri,” tha ai.
Skenari i një finale mes Brazilit të tij dhe Italisë së vendlindjes është dramatik dhe magjepsës. Kjo nuk do të ishte thjesht një ndeshje, por një përvojë e paharrueshme që do të mbulonte me lavdi një karrierë të jashtëzakonshme, duke treguar se pasioni për futbollin te Ancelotti është më i fortë se kurrë.
