Carlo Ancelotti dhe Real Madrid janë gati të thonë lamtumirë. Sipas Radioestadio Noche në Onda Cero, pavarësisht se kontrata e tij skadon në vitin 2026, trajneri italian ka vendosur të largohet nga klubi në fund të këtij sezoni pa u ndikuar në vendimmarrje nga rezultat që do të arrijë.
Pasi ka jetuar dy përvoja të jashtëzakonshme në në Madrid, që e bënë trajnerin më të suksesshëm në historinë e ‘Los Blancos’, Ancelotti e konsideron të mbyllur ciklin e tij në krye të klubit “Merengues” dhe po e planifikon të ardhmen e tij larg Spanjës.
Emri i tij ishte lidhur së fundmi me pankinën e Brazilit, por rinovimi i kontratës me Realin në dhjetor 2023 ka bërë që kjo ide të zbehet.
Sipas medieve spanjolle, në fakt, “Carletto” nuk ka ndërmend të ndalet pas Realit, por do të donte të niste një aventurë të re diku tjetër, duke e lënë vendin e tij të lirë në Madrid.
Një pozicion që, sipas Onda Cero, mund të merret nga Xabi Alonso. Ish-lojtari i “Los Blancos” është aktualisht në sezonin e tij të tretë në pankinën e Bayer Leverkusenit, por ideja për t’u rikthyer në Madrid e intrigon. Një situatë që e vendos atë në krye të listës së trajnerëve në garë për t’u bërë trashëgimtari i Ancelottit.
