Shtetet e Bashkuara dhe aleatët e tyre do të mbrojnë çdo pëllëmbë të territorit të Aleancës së NATO-s, kështu u shpreh ambasadori i ri amerikan në Kombet e Bashkuara, Michael Waltz, gjatë një mbledhjeje urgjente të Këshillit të Sigurimit të OKB-së, e cila kishte në fokus shkeljet e hapësirës ajrore të vendeve evropiane nga Rusia.
“Dua të shfrytëzoj këtë mundësi të parë për të riafirmuar dhe theksuar se SHBA dhe aleatët tanë do të mbrojnë çdo centimetër të territorit të NATO-s,” deklaroi Waltz, në daljen e tij të parë zyrtare në këtë forum që prej marrjes së detyrës.
Mbledhja e jashtëzakonshme erdhi pas raportimeve për disa shkelje të hapësirës ajrore në shtete të Evropës Lindore, që kanë rritur shqetësimet për përshkallëzim të mëtejshëm të tensioneve me Rusinë.
