Udhëheqësi suprem i Iranit, Ali Khamenei, është zhvendosur në një bunker nëntokësor në zonën e Lavizanit në verilindje të Teheranit, disa orë pas fillimit të sulmeve ajrore nga Izraeli, raportojnë burime për Iran International.
Sipas informacioneve, Khamenei shoqërohet nga i biri, Mojtaba, dhe gjithë anëtarët e familjes së tij. Ky nuk është rasti i parë që ai strehohet në bunker gjatë përshkallëzimeve me Izraelin një praktikë që është ndjekur edhe gjatë operacioneve të mëparshme, si “Operacioni Premtimi i Vërtetë 1” në prill 2024, kur Irani nisi mbi 300 raketa dhe dronë drejt Izraelit.
