Gjatë mbrëmjes së djeshme u raportua se në Spitalin e Neurologjinsë në Qendrës Spitalore Universitare “Nënë Tereza”, ka rënë zjarr. Në goditën e spitalit shihej prania e tymit por nuk u raportua për perosna të lënduar apo dhe për dëme të tjera materiale.
Ditën e sotme ka reaguar QSUT, të cilët kanë sqaruar se në goditën e spitalit është konstatuar prani e tymit, por nuk ka patur asnjë rrezik për pacientët apo dhe për stafin. Gjithashtu është bërë me dije se puna vijon normalisht dhe nuk ka asnjë prani rreziku.
“Mbrëmjen e sotme, rreth orës 21:45, në katin -1 të Spitalit të Neurologjisë është konstatuar prani tymi, pa asnjë rrezik për pacientët apo stafin.
Stafi mjekësor dhe ekipet teknike kanë ndërhyrë për të vlerësuar situatën dhe garantuar vijimin normal të shërbimit.
Aktualisht në ambientet e spitalit nuk ka asnjë rrezik pêr pacientët apo personelin dhe puna vijon pa asnjë pengesë.
Autoritetet përkatëse janë njoftuar për të kryer verifikimet e nevojshme dhe për të siguruar që gjithçka është në parametra të sigurt,” thuhet në reagimin e QSUT.
