Policia ka arrestuar në Laç një shtetas 40-vjeçar, i cili akuzohet për disa vepra penale në Spanjë dhe disponon katër identitete të ndryshme.
Shtetasi Gj. Gj., alias Gj. M., alias Gj. R., alias Gj. R., lindur në Lezhë, u lokalizua dhe u arrestua me qëllim ekstradimin drejt Spanjës.
Gjykata e Instruksionit nr. 1 në Castellon de la Plana, Spanjë, ka caktuar për të masën e sigurisë “Arrest në burg” për veprat penale: “Krime kundër shëndetit publik/Kultivim i bimëve narkotike”, “Pjesëmarrje në organizatë kriminale” dhe “Vjedhje e energjisë elektrike”.
Ai dyshohet se ka qenë pjesë e një grupi kriminal që merrej me gjetjen dhe përgatitjen e ambienteve për kultivim droge. Gjatë veprimeve në Spanjë janë gjetur dy ambiente të përshtatura për kultivim, një në Oropesa dhe një në Cabanes.
