Drejtuesi i automjetit që u përfshi mëngjesin e sotëm në aksidentin në aksin “Ersekë-Korçë”, po transportohet te spitali i Traumës. Ai u dërgua te Trauma për mjekim më të specializuar për shkak të dëmtimeve të marra në gjymtyrë.
Aksidenti ndodhi mëngjesin e sotëm në aksin “Ersekë-Korçë”, ku i plagosur duke drejtuar automjetin, dyshohet se ka humbur kontrollin dhe si pasojë makina ka dalë nga rruga, duke u përplasur me bordurën anësore.
E lënduar nga aksidenti mbeti edhe bashkëshortja e tij, e cila po merr mjekim në spitalin e Korçës. Grupi hetimor po punon për sqarimin e rrethanave të aksidentit.
