Detaje të reja kanë dalë nga aksidenti i rëndë që ka ndodhur te mbikalimi i Paskuqanit në autostadën e unazës së madhe. Mësohet se një makinë e drejtuar nga një 35-vjeçar, ka përplasur dy të moshuara, të cilat po kalonin trafikndarësen.
Njoftimi i Policisë:
Rreth orës 09:35, te mbikalimi i Paskuqanit, shtetasi R. Q., 35 vjeç, ka përplasur me automjetin që drejtonte, shtetaset L. S., rreth 72 vjeçe dhe H. M., rreth 66 vjeçe, të cilat dyshohet se po kalonin trafikndarësen. Si pasojë, ka humbur jetën shtetasja L. S. dhe është dëmtuar shtetasja H. M., e cila është në kujdesin e mjekëve. Drejtuesi i automjetit është shoqëruar në komisariat, për kryerjen e veprimeve të metejshme procedurale, ndërsa grupi hetimor po punon për sqarimin e rrethanave të aksidentit.
