Një aksident tragjik ka ndodhur në orët e para të mëngjesit të sotëm në qytetin e Vlorës, ku rreth orës 01:30, ku ka humbur jetën një adoleshent.
Viktima është identifikuar si Leandro Shametaj, 17 vjeç. Sipas burimeve paraprake, shoferi teksa po udhëtonte me automjetin tip “Porsche”, ka qenë nën efektin e alkoolit dhe me shpejtësi të lartë dhe ka aksidentuar për vdekje të riun teksa po kalonte rrugën. Policia dhe grupi hetimor ndodhen në vendngjarje për të përcaktuar shkaqet dhe përgjegjësitë e mundshme.
Familjarët e të ndjerit janë paraqitur në spital, ku ndodhet trupi i pajetë i 17-vjeçarit. Ata kanë kërkuar ta tërheqin trupin, por ende janë në pritje të përfundimit të procedurave zyrtare.
Në spitalin e Vlorës është krijuar një situatë alarmante për shkak të vonesës së mjekut ligjor, i cili prej më shumë se 7 orësh pasi është njoftuar, ende nuk ka mbërritur për të kryer autopsinë.
Autoritetet kanë nisur hetimet për të zbardhur plotësisht dinamikën e aksidentit dhe për të përcaktuar nëse ngjarja lidhet me shpejtësinë apo faktorë të tjerë.
