Një ngjarje e rëndë është regjistruar në provincën e Frosinones në Itali ku një shqiptar ka humbur jetën, ndërsa një tjetër ka mbetur i plagosur rëndë.
Sipas mediave italiane mësohet se 53-vjeçari Lulzim Bulci ka ndërruar jetë pasi struktura e betontit të çatisë ku ishte duke punuar u shemb.
Dy punëtorët, Bulci dhe 31-vjeçari u rrëzuan nga një lartësi prej rreth 6 metrash. Fatkeqësisht, 53-vjeçari humbi jetën në vendin e ngjarjes, ndërsa punëtori tjetër u dërgua në spital ku dhe është duke luftuar për jetën.
Policia italiane po kryen hetime për të zbardhur shkaqet e shembjes së strukturës së betonit dhe vënien para drejtësisë të personave përgjegjës.
