Një aksident automobilistik ka ndodhur mbrëmjen e sotme në rrugën e Kishës së Laçit, ku dy persona kanë mbetur të lënduar.
Një automjet tip “Porsche” që drejtohet nga shtetasi E. Ç., humbi kontrollin dhe doli nga rruga, për pasojë mbetën të lënduar shoferi dhe pasagjerja angleze me inicialet D. S.
Aktualisht të lënduarit ndodhen jashtë rrezikut për jetën. Hetuesit po punojnë për të zbardhur rrethanat e plota të aksidentit.
Njoftimi i policisë:
Kurbin/Informacion paraprak
Në rrugën e “Kishës Laçit”, shtetasi E. Ç., duke drejtuar automjetin tip “Porsche”, ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar drejtuesi i automjetit dhe pasagjerja shtetasja angleze D. S, aktualisht ndodhen jashtë rrezikut për jetën.
Grupi hetimor po punon për sqarimin e rrethanave dhe shkakut të aksidentit.
