Aksident i frikshëm në bay passin e autostradës në Lushnje. Një mjet tip Audi ka përfunduar jashtë rruge dhe për pasojë tre persona që udhëtonin në të janë plagosur.
Të lënduarit janë transportuar në spitalin e Lushnjes ku janë nën kujdesin e mjekëve jashtë rrezikut për jetën.
Policia në vendngjarje po dokumenton ngjarjen ndërsa dyshohet paraprakisht se shpejtësia e lartë dhe lagështira në rrugë mund të jenë shkaqet e daljes nga rruga të mjetit.
Automjeti pasi ka dalë nga rruga ka përfunduar dhjetëra metra larg në një parcelë ku është rrotulluar disa herë për të përfunduar me goma përpjetë.
Dalja nga rruga ka ndodhur në një pjesë të autostradës e cila vijon të jetë pikë e zezë sa i përket aksidenteve të shumta që ndodhin aty edhe pse ka përforcime me barriera të hekurta anësore.
