Një aksident ka ndodhur rreth orës 14:05 në aksin kombëtar Peqin-Elbasan nga ku mësohet se dy automjete janë përplasur me njëri-tjetrin duke u shkatërruar thuajse plotësisht.
Bëhet me dije se nga aksidenti kanë mbetur të plagosur dy persona, të cilët janë transportuar me urgjencë drejt spitalit.
Paraprakisht dyshohet se shpejtësia tej normave të lejuara ose një manovër e gabuar e njërit prej drejtuesve të mjeteve mund të ketë shkaktuar aksidentin.
Ndërkohë, grupi hetimor po punon për zbardhjen e plotë të shkaqeve.
