Një aksident i rëndë është regjistruar mëngjesin e sotëm në aksin Fushë Krujë – Thumanë, në afërsi të fshatit Derven.
Në aksident janë përfshirë një automjet Mitsubishi me targa italiane, e cila drejtohej nga shtetasja M.L., dhe një “Opel”. Për pshkak të përplasjes së fuqishme janë plagosur rëndë 4 persona.
Paraprakisht, dyshohet që shkak i aksidentit ka qenë ndërprerja e rrugës në mënyrë të gabuar nga ana e shoferit të Opel-it, por edhe shpejtësia e madhe me të cilën udhëtonte Mitsubishi.
Katër të plagosurit janë dërguar me urgjencë drejt siptalit të Traumës në Tiranë pasi janë në gjendje të rëndë.
