Një aksident i rëndë ka ndodhur mbrëmjen e sotme në Tiranë. Si pasojë e aksidentit një 45-vjeçar ka humbur jetën.
Ngjarja e rëndë ka ndodhur rreth orës 18:50, në aksin rrugor Vorë-Rinas.
Sipas policisë, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.
Shtetasi Q.H, si pasojë e plagëve të marra ka humbur jetën në spital.
Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të aksidentit./ilirianews
