Një aksident i rëndë automobilistik është shënuar mëngjesin e kësaj të hëne në aksin nacional Maqellarë-Peshkopi.
Dy automjete u përplasën kokë më kokë në vendin e quajtur “Melan” në afërsi të qytetit të Peshkopisë.
Si pasojë e përplasjes së fortë të dy automjeteve, në njërën makinë ndodhej një çift bashkëshortësh dhe gruaja ishte shtatzënë.
Për fat të mirë gruaja shtatzënë nuk pati dëmtime të rënda. Ajo u dërgua në spitalin Rajonal Dibër për ndihmë mjekësore.
Policia mbërriti në vendin e ngjarjes për të zbardhur shkaqet e vërteta të aksidentit, ndërsa paraprakisht dyshohet të ketë ndodhur nga mjegulla e dendur në rrugë e cila krijonte fushëpamje të kufizuar.
