Një aksident me pasojë plagosjen e dy personave ka ndodhur pasditen e kësaj të enjteje në Ndërnënas të Libofshës. Burime bëjnë me dije se një automjet ka dalë nga rruga duke u përplasur me murin rrethues të një banese.
Për pasojë janë plagosur dy persona identitetet e të cilëve ende nuk bëhen me dije. Të plagosurit janë dërguar në spital për të marrë ndihmë mjekësore ndërsa një prej tyre raportohet të jetë në gjendje të rëndë.
Policia dhe grupi hetimor ndodhen në vendngjarje për të bërë të mundur zbardhjen e dinamikës, shkaqet dhe rrethanat e aksidentit.
