Një aksident i rëndë ka ndodhur këtë mbrëmje në aksin nacional Korçë-Pogradec në afërsi të fshatit Podgorie.
Sipas informacioneve paraprake, dy mjete janë përplasur me njëra-tjetrën, ndërsa një person ka mbetur i bllokuar në njërin prej makinave. Ai dyshohet se ka humbur jetën, ndërkohë që një tjetër është nxjerrë jashtë dhe është nisur drejt spitalit.
Maliq/Informacion paraprak
Në aksin rrugor “Korçë-Pogradec” automjeti tip “BMW”, me drejtues shtetasin A. C.,është përplasur me automjetin tip “Audi” me drejtues shtetasin K. L.
Si pasojë e përplasjes ka ndërruar jetë drejtuesi i automjetit tip “BMW”, shtetasi A. C., dhe ka ngelur i dëmtuar drejtuesi i automjetit tip “Audi” shtetasi K. L., i cili po merr ndihmë mjekësore në spital.
Grupi hetimor ndodhet në vendngjarje dhe po punon për zbardhjen e rrethanave të aksidentit.
