Një aksident i rëndë me pasojë humbjen e jetës së një vajze 18-vjeçare ka ndodhur mbrëmjen e djeshme në Durrës.
Ngjarja u regjistrua rreth orës 22:15, te ura e Dajlanit, në lagjen nr. 4, ku një automjet që po qarkullonte në mbikalim ka dalë nga rruga dhe ka rënë poshtë, duke përplasur edhe dy këmbësorë.
Si pasojë e aksidentit, ka humbur jetën në vend pasagjerja e automjetit, 18-vjeçarja V. G., ndërsa drejtuesi i mjetit, 26-vjeçari A. Xh., si dhe dy këmbësorët e dëmtuar janë transportuar në spital, ku ndodhen nën kujdesin e mjekëve.
Policia ka mbërritur në vendngjarje dhe ka nisur hetimet për të zbardhur shkaqet e aksidentit, ndërsa qarkullimi në zonë u normalizua pas disa minutash.
