Deputeti Agron Gjekmarkaj i ka dorëzuar Sali Berishës dorëheqjen nga funksioni i nënkryetarit të Partisë Demokratike.
Sipas raportimeve në media, Gjekmarkaj ka pranuar në mbledhjen me dyer të mbyllura të kryesisë së PD, se firma për Endri Shabanin për Avokat të Popullit ishte një gabim, dhe në kuadër të kësaj ka dhënë dhe dorëheqjen.
“Vendimi për ta pranuar ose jo mbetet në kompetencën tuaj.”-ka deklaruar Gjekmarkaj, duke e cilësuar këtë hap si një akt kërkimfaljeje.
Ndërkohë Bislim Ahmetaj ka kërkuar mbledhjen e Këshillit Kombëtar për të vendosur për dorëheqjen e Gjekmarkajt dhe shkarkimin e Gazment Bardhit dhe Flamur Nokës.
