E ftuar në “Fan Club”, Loredana ka reaguar për herë të parë pas incidentit të debatueshëm ku Jozi i hodhi alkool në sy Gjestit gjatë dasmës në “Big Brother VIP”.
Ajo tha se ndjen keqardhje për situatën dhe distancohet plotësisht nga veprimi i Jozit, duke e cilësuar atë të papranueshëm. Loredana bëri të ditur se nuk ka pasur asnjë komunikim me Jozin pas daljes nga shtëpia dhe se marrëdhënia mes tyre është e paqartë.
“Do kisha dashur ta kaloja kohën pas ‘BBV’ me Jozin, por thjesht nuk ndodhi. Ishte një pamje shumë e rëndë për t’u parë dhe më vjen keq që ndodhi ajo gjë. Kam marrë vendimet e mia, por nuk dua të flas ende për to”, tha ajo.
Pavarësisht situatës, Loredana shtoi se nuk pendohet për rrugëtimin në “Big Brother VIP” dhe se çdo gjë që ka ndodhur i ka shërbyer si mësim.
