Edi Rama shpalli sot zgjedhje të parakohshme lokale për Tiranën, ku kërkoi që Erion Veliaj të shkarkohet nga Këshilli Bashkiak, teksa propozoi Ogerta Manastirliun si kandidate të PS-së.
Ndërkohë, Sali Berisha, i pyetur nga gazetarët mbi kandidaturën e mundshme të opozitës, nuk dha asnjë emër konkret, por tha se PD ka shumë figura të shquara dhe do të zgjidhet në bazë të procedurave.
“Padiskutim kemi kandidatura, por do të dalë në bazë të procedurave. Mendoj së PD ka figura të shquara për t’ia paraqitur qytetarëve të Tiranës, që mishërojnë çdo vlerë përballë një personi që është simbol i zi për Tiranën dhe kombin. Nuk mund të ketë emër tjetër përveçse korba e Covid”, tha Berisha.
I pyetur nëse a do të kandidojë mjekun Ilir Alimehmeti përballë Ogerta Manastirliut, tha se nëse do të ishte në dorën e tij do ta caktonte pa diskutim.
“A më shkon mua të avancoj pa një diskutim, por vetëm nga mendja ime. Nuk mund ta bëj” – tha Berisha.
