Pas një vendimi të papritur të drejtorisë së Shërbimit Postar Grek për mbylljen e dhjetëra zyrave postare, qytetarët grekë kanë reaguar me zemërim.
Mbyllja e 204 zyrave, e njoftuar të premten pa paralajmërim, ka shkaktuar një valë të madhe protestash, veçanërisht në zonat periferike, ku shumë qytetarë, përfshirë të moshuarit, do të detyrohen të udhëtojnë kilometra të tëra për të marrë pensionet apo për të dërguar dokumente.
Pas reagimeve të qytetarëve, qeveria bëri disa sqarime dhe njoftoi se vetëm 46 zyra do të mbyllen menjëherë, ndërsa për të tjerat u dha një afat prej tre muajsh.
Zëdhënësi i qeverisë, Pavlos Marinakis, theksoi se 92% e dërgesave dhe pensioneve kryhen tashmë nëpërmjet shpërndarjes në shtëpi dhe se vetëm 10% e qytetarëve përdorin zyrat fizike, të cilat kushtojnë me rreth 150 mijë euro secila në vit.
Ai argumentoi se nuk është e qëndrueshme të shpenzohen miliona euro për një shërbim që përdoret nga një pakicë e madhe qytetarësh.
Nga ana tjetër, opozita e ka kritikuar ashpër këtë vendim, duke e quajtur atë një “keqmenaxhim” dhe një sulm ndaj shërbimeve publike në zonat rurale.
Në këtë kontekst, drejtuesit e Postës Greke theksojnë se ky është një hapi i nevojshëm për modernizim, duke u përballur me një rënie drastike të letrave tradicionale dhe me konkurencë të fortë nga kompanitë private.
Me një histori që daton nga viti 1828, kur u themelua nga Ioannis Kapodistrias, Posta Greke po hyn në një fazë të re, duke u përbalur me sfida të reja teknologjike dhe nevojën për të transformuar shërbimet e saj për të mbijetuar në një mjedis gjithnjë e më konkurrues.
Kjo situatë ngre pyetje mbi mënyrat se si qeveritë janë të detyruara të adaptohen me nevojat në zmadhim të qytetarëve, duke balancuar modernizimin dhe mbrojtjen e shërbimeve tradicionale.
