Një ngjarje e frikshme ka tronditur ishullin e Kretës, mëngjesin e kësaj të shtune, ku tre persona kanë humbur jetën dhe 12 të tjerë kanë mbetur të plagosur, si pasojë e të shtënave me armë në fshatin Vorizia të Heraklionit, Greqi.
Dyshimi kryesor ka të bëjë me një rast hakmarrje mes dy familjeve, të cilat prej muajsh tashmë kanë qënë në konflikt të hapur.
Mediat greke raportojnë se varësisht ndërhyrjes së policisë rajonale, mosmarrëveshjet mes këtyre dy familjeve vazhdojnë, ku edhe mësohet se janë gjuajtur mbi 2000 plumba.
Viktima kanë mbetur dy gra edhe një burrë, njëra prej grave dyshohet se ka ndërruar jetë nga frika si pasojë e një arresti kardiak, ndërsa burri dyshohet të jetë personi që hapi zjarrin.
Për sa u përket të plagosurve janë transportuar me ambulanca në Qendrën Shëndetësore Moira dhe Qendrën Shëndetësore Agia Varvara, të cilat po ruhen nga policia për të shmangur incidente të tjera. Sipas mediave greke, edhe vet banorët e fshatit po ndihmojnë në transportimin e të plagosurve për në spital, duke përdorur automjete bujqësore.
