Mbrëmje plot emocione në “San Siro”, ku Milan u ndal në një barazim dramatik 2–2 ndaj Pisa-s, duke humbur një mundësi të artë për të ruajtur distancën në krye të Serie A.
Kuqezinjtë kaluan në epërsi me Leao-n, por më pas pësuan përmbysjen nga Cuadrado dhe Nzola. Kur gjithçka dukej e humbur, në minutën 90+3, talenti Athekame realizoi një goditje të fuqishme nga jashtë zonës, duke rikthyer shpresën dhe shpëtuar një pikë të çmuar për kuqezinjtë.
Megjithatë, ky barazim i lë të besuarit e Allegri-t vetëm dy pikë mbi ndjekësit Inter, Napoli dhe Roma, të cilat tani kanë shansin ta rrëzojnë Milanin nga kreu.
