Katër persona kanë rënë në prangat e policisë në Tiranë pasi kishin përshtatur ambiente e një lokali për vendosjen e baste sportive online.
“Katër persona kanë përfunduar në pranga në Tiranë, si të përfshirë në organizimin e lojërave të fatit.
E. A., 43 vjeç, E. T., 34 vjeç, K. B., 47 vjeç, dhe Xh. Ç., 19 vjeç, kryenin aktivitetin e paligjshëm të organizimit dhe përshtatjes së ambienteve për organizimin e basteve sportive online.
Finalizohet nga Sektori për Hetimin e Krimeve Kibernetike, në bashkëpunim me Sektorin për Hetimin e Krimit Ekonomik dhe Financiar, Forcën e Posaçme Operacionale dhe Forcën e Posaçme “Shqiponja”, operacioni policor i koduar “Bad spin 3”.
Aparate celulare të këtyre shtetasve u sekuestruan në cilësinë e provës materiale. Materialet i kaluan prokurorisë.”
