Një shtetas, ende e paidentifikuar, ka humbur jetën në spitalin e Fierit pasditen e sotme.
Policia njofton se rreth orës 17:20, në aksin rrugor “Fier-Lushnjë”, e kanë gjetur këtë shtetase të dëmtuar, dyshohet si pasojë e një aksidenti rrugor, anës rrugës,.
Pavarësisht se u transportua me ambulancë në spitalin rajonal të Fierit, për shkak të plagëve të marra ajo humbi jetën në spital.
Grupi hetimor po punon për identifikimin e shtetases dhe të automjetit që ka shkaktuar përplasjen me pasojë vdekjen.
