Një video e publikuar së fundmi ka kapur momentin kur një gorillë e madhe në Kopshtin Zoologjik të San Diegos sulmon me forcë xhamin mbrojtës të kafazit, duke çarë një nga tre shtresat mbrojtëse dhe duke shkaktuar panik mes vizitorëve.
Në pamjet e siguruara nga CBS8, shihet gorilla 10-vjeçare me emrin Denny teksa vrapon me shpejtësi drejt xhamit, ndërsa shumë nga të pranishmit largohen të alarmuar dhe duke bërtitur.
Sipas një përfaqësuesi të kopshtit zoologjik, sjellje të tilla janë të zakonshme për gorillat meshkuj adoleshentë, të cilët shfaqin shpërthime energjie, përplasje, tërheqje objektesh apo vrapime të çrregullta si pjesë e sjelljeve të tyre natyrore.
Denny ka jetuar me vëllezërit e tij, përfshirë edhe vëllain e madh Makaa, i cili ndërroi jetë papritur në muajin gusht, në moshën 30-vjeçare, për shkak të një sulmi në zemër, sipas njoftimit të mëparshëm të kopshtit.
Sipas Dr. Erin Riley, profesore antropologjie në Universitetin e Kalifornisë në San Diego, sjellja agresive e Denny-t mund të jetë nxitur nga disa faktorë, përfshirë dhimbjen për humbjen e vëllait.
Lloji i gorillës që përfaqëson Denny është në rrezik zhdukjeje për shkak të shpyllëzimit në zonat qendrore të Afrikës.
Fatmirësisht, Denny nuk u lëndua nga incidenti dhe vijon të qëndrojë në kopësht bashkë me gorillën tjetër me të cilin ndante hapësirën.
