Presidenti ukrainas, Volodymyr Zelensky, ka njoftuar se një delegacion i lartë ukrainas do të udhëtojë sërish drejt Shteteve të Bashkuara për bisedime strategjike.
“Besoj se Presidenti Trump dëshiron të na shohë në tryezën e negociatave, dhe ne kemi mbështetur këtë rrugë”, shkroi Zelensky në rrjetet sociale.
Delegacioni, i udhëhequr nga kryeministrja Yuliia Svyrydenko, do të përbëhet edhe nga Shefi i Zyrës Presidenciale, Andriy Yermak, dhe Komisioneri për Politikën e Sanksioneve, Vladyslav Vasiuk.
Gjatë takimeve, pala ukrainase do të diskutojë:
Mbrojtjen ajrore,
Çështje energjetike,
Masat e sanksioneve,
Procesin e negociatave.
Gjithashtu, do të trajtohet edhe çështja e pasurive ruse të ngrira dhe mënyrat për t’i përdorur ato në favor të Ukrainës.
Vizita pritet të ndodhë në fillim të javës së ardhshme, dhe konsiderohet një hap i rëndësishëm në koordinimin strategjik me aleatin kryesor transatlantik.
