Misioni i Bashkimit Europian për Sundimin e Ligjit në Shqipëri (EUDEL) ka reaguar pas vrasjes së gjyqtarit të Gjykatës së Apelit, Astrit Kalaja, dhe plagosjes së dy qytetarëve të tjerë.
Në një deklaratë zyrtare, EUDEL shpreh tronditjen e thellë dhe ngushëllimet më të sinqerta për familjen e të ndjerit Kalaja. Delegacioni i BE-së dënon fuqimisht këtë akt kriminal dhe thekson nevojën urgjente për rritjen e sigurisë së gjyqtarëve dhe prokurorëve në Shqipëri.
“Ky rast tragjik nënvizon rëndësinë e marrjes së masave të menjëhershme për garantimin e sigurisë në ambientet e gjykatave,” thuhet në reagim.
Reagimi i Delegacionit të BE-së:
EUDEL është i tronditur nga akti i dhunës që çoi në vrasjen e gjyqtarit Astrit Kalaja dhe plagosjen e dy qytetarëve shqiptarë.
Ne dënojmë fuqimisht këtë akt kriminal.
I shprehim ngushëllimet më të thella familjes së gjyqtarit Kalaja.
Kjo tragjedi thekson nevojën urgjente që Shqipëria të rrisë sigurinë e gjyqtarëve dhe prokurorëve dhe të marrë të gjitha masat e nevojshme për të garantuar sigurinë në sallat e gjyqit.
BE qëndron e palëkundur në mbështetjen e reformës në drejtësi dhe në mbrojtjen e sundimit të ligjit në vend.
