Një bashkim procedimesh penale ka çuar SPAK, në nxjerjen e masave të reja të sigurisë “arrest me burg” për tre personazhe të njohur të botës së krimit, Astrit Avdyli, Aldo alias Elidon Avdyli, Aleksandër Laho alias “Rrumi” si dhe 5 persona të tjerë mes të cilëve dhe Enea Kume, vëllain e deputetit të PS, Loer Kume.
Çështja nga mori spunto SPAK, duke çuar në zbardhjen e vrasjes së Edmir Koçit në Durrës, lidhet me një procedim penal Nr.235 të rregjistruar në vitin 2020, në të cilin është hetuar dhe më pas dënuar për korrupsion Aleksandër Laho dhe Irgen Kërçuku, i cili në atë periudhë ka mbajtur postin e Juristit të Avokaturës së Shtetit.
Kjo dosje që flet për korrupsionin dhe falsifikimit të dokumentave me qëllim tjetërsimin e pronave në zonën e Hamallaj, është ndarë nga drejtuesi i prokurorisë së Posaçme SPAK, Altin Dumani, duke çuar në hapjen e një dosje të re me Nr.235/1.
Pikërisht kjo dosje e re është pasurur dhe me bisedat e aplikacioknit “Sky”, duke u futur kodet e kriptuara të ardhura nga Belgjika dhe Europol, duke pasur një volum më të madh të komunikimeve mes zyrtarëve të hipotekës së Durrësit dhe elementëve të botës së krimit në këtë zonë.
SPAK, ka ndjekur rrjedhshmërinë e kodeve “Q1CTJT” që përdorej nga Aldo Avdyli dhe kodin “TEDV40”, që përdorej nga Astrit Avdyli, ku përmes bisedave në aplikacioknin “Sky”, është kuptuar se këto personazhe kanë organizuar dhe urdhëruar vrasjen e Edmir Koçit alias Bregut në 21 janar 2021 në Durrës.
Pjesë e kësaj vrasje, sipas SPAK është dhe Enea Kume, vëllai i deputetit të Partisë Socialiste, Loer Kume, i cili besohet se ka pasur rolin e ndihmësit në këtë vrasje.
SPAK ka sqaruar se vrasja është kryer për qëllime hakmarëse për shkak se grupi i Avdylajve, kishte zbuluar më parë se Edmir Bregu, kishte planifikuar dhe tentuar për të vrarë Aldo Avdylin.
