Ish-ministri i Shtetit për Pushtetin Vendor, Arbjan Mazniku ditën e sotme është paraqitur në GJKKO për të dëshmuar në procesin e dosjes “5D”.
Mazniku është dëshmitar i akuzës, SPAK, që përfaqësohet nga dy prokurorët, Klodian Braho dhe Anita Jella.
Të pandehurit për dosjen 5D janë:
Redi Molla
Mariglen Qato
Taulant Tusha
Enton Punavija
Julian Zanaj
Albano Janku
Nestor Muhametllari
Në 2 korrik të këtij viti, SPAK i komunikoi akuzat “Korrupsion pasiv” dhe “mosdeklarim të pasurisë” Mollës dhe Qatos, ndërsa Tushes i komunikoi akuzën “shkelje e barazisë në tendera”.
Tushe, Molla dhe Qato u arrestuan në muajin mars të këtij viti me urdhër të Prokurorisë së Posaçme Antikorrupsion, në kuadër të hetimeve për dosjen “5D”.
Sipas Spak, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë.
Bëhet fjalë për 11 procedura tenderimi në harkun kohorë të 6 viteve, nga 2016 deri në 2022. Kompania njihet dhe me dy emra të ndryshëm “Igor Electric” dhe “Vas construcion”. Me akuzën e re Mollës dhe Qatos i zgjatet afati hetimor edhe një vit, ndërsa Tushes i përfundon pas tre muajsh.
